عيـــونـــك
********
عيونك سكة العاشقين
عيونك بحر كله حنين
عيونك موجة هدارة
يا أم العيون النعسانين
*****
عيونك ..
صافية دفيانة
عيونك ..
سارحة هيمانة
عيونك ..
تايهة ولهانة
عيونك للقلوب زنازين
****
عيونك ..
شكل غزلانى
سهام فى القلب غزلانى
شباك مادة وغزلانى
برمش العين مغازلانى
ودابت جوه أحضانى
****
عيونك ضامة أيامى
وجفنك غطى أحزانى
ورمشك داب فى وجدانى
وفرح الدنيا خلانى
أعيش الحب من تانى
*******
محمد كامل محمود
