هيا نلعب ... هيا نلهو ... هيا نلتقط من وسط الشارع طوبة ...
هيا نقذف بعض بطوب الأرض !!
هيا نجرى ونتفادى قذف الطوب !!
هيا نتوارى عن بعض خلف الأعمدة الخرسانية
أو خلف الجدران الحجرية
أو دعنا نركض ... حتى نتوارى .. ونتلاشى
مع كل منا ... براحة يدة .. طوبة من بطن الأرض
يقذف كل منا الآخر ... هذا اذا كان للأرض بطن
أو إذا كان لينا أصلا أرض ... نجرى ونلعب مع بعض .. فوق الأرض
واذا كنا فعلا أطفال ... نقدر نجرى ونلهو مع بعض
واذا كنا فعلا مش خايفين ... ولا مرعوبين
من ان صاروخ طيارة يهجم ... يبطح ... ينطح ... يكسر ضلع ويفصل رجل ويقطع إيد واحد فينا
هيا نلعب .. هيا نلهو ... هيا نعبث بزهور الأرض
هيا نجرى ... فوق الأرض ...
اياك ان تسأل ..... أين الأرض ؟؟
الأرض بتاعتى .... الأرض بتاعتك ... كل الأرض !!
الأرض الممتدة من فوق ........لغاية تحت !!
لسة بتسأل من فوق ...فين ؟؟
من عند الأطلنطى !! .... لغاية فين ؟؟
حتى الهندى !!
لية بتستغرب ؟؟ لية بتستشرق ؟؟
احنا القلب ... واحنا المعدة ... واحنا العين ... وأحنا الننى !!
احنا العزة .... واحنا المحنة ... واحنا الأرض بتاعة غزة !!
لسة بتسأل !! .... فين الأرض .. وبطن الأرض ؟؟
بطن الأرض فيها الدرة ... عيل مثلك ... لسة بيلعب !!
اقصد كان مثلى ومثلك ... يجرى ويلعب .. لولا الغدر .
كان مقصود ... انه يموت ... وانت كمان مقصود ...
لأ .. مرصود .. واحنا بنلعب ... فجأة نموت !!
طبعا غدر ... اصل اللعب بتاعنا بجد ... بيخوف ناس .. عايزين الأرض
واحنا بنلعب فوق الأرض ... هما ديدان تحت الأرض
تيجى نلم الطوب م الأرض ... بالطول والعرض
ونسابق بعض ... ونلم عيال الأرض ...
ولما نموت نبقى فى بطن الأرض !!
وتبقى عظامنا .... طوب الأرض
يعنى ياصاحبى ... أحنا الأرض
ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ
ليست هناك تعليقات:
إرسال تعليق