*****************************
منذ وقت ليس بالقليل وقعت فى يدى مجموعة من الاوراق ، هى عبارة عن مذكرات كتبتها البنت الشقية سونيا اللى كانت فى زيارة طويلة لسلطنة فاسكونيا .
وبالمناسبة ، سلطنة فاسكونيا دى عبارة عن جزيرة صغيرة جدا موجودة على ايدك اليمين وانت راكب المركب ومعدى عن طريق رأس الرجاء الصالح وطالع ناحية ناحية قارة آسيا بعد ماتسيب افريقيا بحوالى يومين فى البحر ، تلاقى شوية جزر كدة متنتورين جنب بعضهم ، هى بقى رابع جزيرة على الشمال وانت رايح وقبل ما تحصل جزر اليابان ، يعنى السلطنة دى مكانها بين افريقيا واسيا ومش تبع حد فيهم .
علشان كدة اصبحت سلطنة فاسكونيا سلطنة مستقلة ، وما لهاش دعوة بأى حد سواء من قارة اسيا أو من قارة أفريقيا ، ومن زمان بعيد كانت مملكة لكن الملك بتاعها شاف انها احسن تكون سلطنة علشان يبقى سلطان زمانه وزمن غيرة كمان واللى مش عاجبه يشرب من البحر اللى محوط الجزيرة أقصد السلطنة .
وعلى العموم السلطنة حلوة قوى وناسها طيبين ، ومحدش فيهم بيفتح بقه بكلمة وحشة تزعل السلطان ، لان سلطان فاسكونيا اللى ربنا يطول عمره كان حاطط شوية قوانين سمعتها سيئة وتخوف اى حد ينطق بكلمة مش تمام اهمها قانون ساكسونيا اللى اصبح اساسى فى سلطنة فاسكونيا .
وللحديث بقية ....
أستاذ محمد كامل محمود.......... باحبك قوى
ردحذفوالله باموت فيك